சிங்கப்பூர்ச் சிற்பிகள் நினைவகம்

2015லிருந்து 2017 வரை 32,000க்கு மேற்பபட்ட சிங்கப்பூரர்கள் ஈடுபடுத்தப்பட்டனர். இந்த ஈடுபாடுகள் மூலம் சிங்கப்பூர்ச் சிற்பிகள் நினைவகம் பற்றிய ஒரு தெளிவான பார்வை கிடைத்தது: எல்லா சிங்கப்பூரர்களுக்குமான ஓர் அடையாளமாக, சிங்கப்பூரின் அடித்தளமாக அமைந்த விழுமியங்களை நினைவுகூரும் இடமாக இது இருக்கும்.

பல்வேறு இடங்களைப் பரிசீலனை செய்த பிறகு, நினைவக அமைவிடமாக கடற்கரைக் கிழக்குப் பூந்தோட்டம் தேர்ந்தெடுக்கப்பட்டது. நீர், பசுமைப்பரப்பு, மாறிக்கொண்டே இருக்கும் வான்வெளிக்காட்சிகள் ஆகியவற்றுக்கு அருகில் அது இருப்பது, சவால்களைச் சமாளித்து உயர்ந்தோங்கி நிற்கும் சிங்கப்பூரின் ஆற்றலுக்கு அடையாளமாக உள்ளது.

2019-ல், அனைத்துலக வடிவமைப்புப் போட்டிக் குறும்பட்டியலில் இடம்பெற்ற வடிவமைப்புகளிலிருந்து தங்களுக்கு விருப்பமான கட்டட வடிவமைப்பைத் தேர்ந்தெடுக்குமாறும் தங்களின் கருத்துக்களைத் தெரிவிக்குமாறும் சிங்கப்பூரர்கள் அழைக்கப்பட்டனர். 50,000க்கும் மேற்பட்டவர்கள் வாக்களித்தனர். இவற்றை நடுவர்கள் ஆழ்ந்து ஆராய்ந்து Kengo Kuma & Associates and K2LD Architects நிறுவனம் சமர்ப்பித்த யோசனையைத் தெரிவுசெய்தனர்.

2020, 2021இல் நினைவகம் ,வருகையாளர் அனுபவத்தை வடிவமைக்கத் தனது வருங்கால வருகையாளர்களைத் தொடர்ந்து ஈடுபடுத்தியது. உள், வெளி இடங்கள் எப்படித் தோன்ற வேண்டும், எப்படி உணரப்பட வேண்டும் என்று 200 சிங்கப்பூரர்கள் கருத்துரைத்தனர், அது எல்லோருக்குமான இடம் என்ற தன் இலட்சியத்தை அடைய நினைவகத்திற்கு உதவியது.